egipto

HOWARD CARTER

Howard Carter arkeologoak eta bere babesle Lord Carnarvon. 1922ko azaroaren 6a zen, eta Tutankhamon-en hilobia aurkitu berri zuten.
Nahiz eta Tutankhamon ez izan Egiptoko beste errege asko bezain garrantzitsua historian, haren hilobia aurkitu izanak ezagun bihurtu zuen hil zenetik milaka urte igaro eta gero. Hilobia bera ere ez da gainerakoak baino baliotsuagoa. Alabaina, irekitakoan, denak liluratuta gelditu ziren, bai arkeologoak bai gizarte osoa.
Indusketaren zuzendaria Howard Carter zen, eta urteak zeramatzan Erregeen Haranean, faraoien hilobi artean lanean. Haren ametsa Tutankhamonen hilobia aurkitzea zen, baina, eremua ia guztiz induskatuta zegoenez, ez zuen itxaropen handirik. Azkenean, ordea, Lord Carnarvonen dirua eta Carterren izerdia ez ziren alferrikakoak izan.
TUTANKAMON
Tutankamon Egiptoko faraoi bat izan zen, XIX. dinastiaren barnean. Inperioaren hiriburua Tebasera bueltatu zuen. 20 urterekin hil zen, erregetzan 9 urte egon eta gero. Bere hilobia 1922an aurkitu zuten Erregeen Aranean. Historiako aurkikuntzarik garrantzitsuenetarikoa izan zen.

NAGIB MAHFUZ

Nagib Mahfuz idazlea egiptoarra 1911ko abenduaren 11n jaio zen Kairon.

Egile oparoa izan zen, 34 eleberri, 350 istorio labur baino gehiago, dozenaka pelikula gidoi eta 5 antzezlan eginez. 1988an lortu zuen Literaturako Nobel Saria, horrelakorik egiten lehenengo arabierazko idazle bihurtuz.

1956 eta 1957 artean "Kairoko trilogia" ("Jauregiko paseoa", "Desiraren jauregia" eta "Azukrearen kalea") burutu zuen, bere hiriaren gfaur egungo ikuspegia islatuz.

Bere lanik ezagunena "Mirarien kalezuloa" (1947) da, 1994an zinemaratu egin zutena. Zoritxarrez, beste liburu batek oihartzun handia ere lortu zuen, baina ez irizpide literarioengatik: "Auzoko seme-alabak" (1959). Biraoaz akusatuta, haren aurkako "fatwa" aldarrikatu zuten agintari islamiar batzuk. 1994an idazlearen kontra atentatu zuten, 82 urte zituela, larriki zauriturik utziz. Bizitzaren azken urteetan, beste pertsona batek idazten zituen berak sortutako artikuluak.

2006ko abuztuaren 30ean hil zen Kairon.